អរគុណសម្រាប់ការស៊ែរចែកបន្ត
  •  
  •  
  •  
  •  
  •  

ក្រោយពីសម្រាកនៅរដូវកាលចូលឆ្នាំរួចមក ខែឧសភានេះគឺជាខែមួយដែលមានពេលវេលាសម្រាកច្រើនជាងគេបំផុតប្រចាំឆ្នាំ។ អ្នកទេចរក្នុងស្រុកទាំងឡាយតែងតែមិនភ្លេចបបួលគ្នារៀបចំគម្រោងដើរលេងនោះទេនៅក្នុងខែនេះ។

សម្រាប់អ្នកដែលដើរលេងក្នុងរយៈពេលច្រើនជាងមួយថ្ងៃច្បាស់ជាត្រូវការទីកន្លែងសម្រាប់ស្នាក់អាស្រ័យខ្វះមិនបាននោះឡើយ ការស្នាក់នៅដោយការបោះតង់ជាជម្រើសមួយដែលពេញនិយមផងដែរ ដោយសារតែវាមានការចំណាយតិច និងអាចបង្កើតអនុស្សាវរីយ៍ជាមួយគ្នាបានច្រើន។

ដើម្បីជាភាពងាយស្រួលសម្រាប់អ្នកទេសចរណ៍ទាំងអស់ ពេលនេះយើងនឹងលើកយកកន្លែងបោះតង់ទាំង៥ដែលមិនគួមើលរំលងសម្រាប់ការដើរលេងរបស់អ្នកជាមួយក្រុមគ្រួសារ និងមិត្តភក្តិ។

១.កោះ​ឋានសួគ៌​ ​ឆ្នេរ​ភ្លោះ ខេត្តព្រះសីហនុ
ស្ថិតនៅចំតំបន់ឆ្នេរយ៉ាងស្រស់ស្អាត​នៃ​ខេត្ត​ព្រះសីហនុ​ ​កោះ​ឋានសួគ៌​ ​ឆ្នេរ​ភ្លោះ​ ​ជារី​សត​មួយ​ដ៏​ល្អ​ប្រណិត​ ​ប្រកបដោយ​ទេសភាព​ដ៏​ស្រស់បំព្រងនិង​ ​ខ្យល់អាកាស​ល្អ​បរិសុទ្ធ​ ​ស័ក្ដិសម​បំផុត​ ​សម្រាប់​អ្នកចូលចិត្ត​ការសម្រាកលំហែ​ ​និង​ ​ភាព​ស្ងប់ស្ងាត់​ ​។​

សម្រាវប់ភ្ញៀវ​ទេសចរ​ដែលបាន​ទៅ​កម្សាន្តនៅ​កោះ​ឋានសួគ៌ហើយ​ ​នឹង​ទទួល​បាន​នូវ​អារម្មណ៍មួយដ៏​ពិសេស​ប្លែក​បំផុត​ជាមួយទឹកសមុទ្រ​ពណ៌​ស្អាត​ខ្លាំង​ដូច​ផ្ទៃមេឃ​ ​និងឆ្នេរខ្សាច់​ដែលមានពណ៌សដូចសំឡី​ ​។​

​អ្វី​ដែល​រឹតតែពិសេស និងទាក់ទាញថែមទៀតនោះ​ ​គឺកោះ​ឋានសួគ៌​ឆ្នេរ​ភ្លោះ​ ​មាន​ព្រៃ​ដូង​រាប់​ម៉ឺន​ដើម​ដែល​​ដាំ​ជាជួរ​ៗតំរៀបគ្នាដូចមនុស្សកំពុងតម្រង់ជួរ ​ អ្នកក៏​អាច​ជិះទូក​ទស្សនា​មច្ឆា​សមុទ្រ​ ​ផ្កាថ្ម​ ​មាន​ដងព្រែក​ទឹករាក់​ឆ្លុះ​ឃើញ​ត្រី​ហែល​ជា​ក្រុម​ៗ​ ​និង​ព្រៃភ្នំ​ធម្មជាតិ​ដ៏​ត្រកាល​ ​។​ ​ក្រៅពី​នេះកោះ​ឋានសួគ៌ក៏​មាន​តង់​ធំ​តម្លៃ​ ​៨០​ ​ដុល្លារ​ ​គេង​បាន​ ​៦​ ​នាក់​ ​និង​ ​តម្លៃ​ ​២៥​ ​ដុល្លារ​គេង​បានគ្នា​ ​២​ ​នាក់​ ​។​ ​ដូច្នេះនេះជាកន្លែងមួយដ៏ល្អសម្រាប់ការដើរលេងរបស់អ្នក។

២.សាហ្វារី ខេត្តកំពត
សម្រាប់ការបោះតង់នៅកំពតវិញអ្នកអាចជ្រើសរើសសាហ្វារីបាន។ សាហ្វារី ជាទីតាំងមួយដែលកំពុងត្រូវបានទទួលការចាប់អារម្មណ៍ខ្លាំងពីសំណាក់អ្នកទេសចរណ៍ ដែលចូលមកកាន់ខេត្តកំពត។ នៅសាហ្វារីលោកអ្នកអាចរីករាយជាមួយការកំសាន្តយ៉ាងសប្បាយចិត្តជាមួយខ្យល់យ៉ាងត្រជាក់ និងការកំសាន្តបែបរ៉ូមែនទិចជាមួយគូស្នេហ៍ គ្រួសារ និង មិត្តភក្តិ។អ្វីដែលពិសេសសាហ្វារីក៏មានទទួលរៀបចំតង់សម្រាប់ជួលក្នុងតម្លៃ ៣៥ ដុល្លាអាមេរិចសម្រាប់មនុស្ស ២ នាក់អាចគេងបានយ៉ាងស្រួល។ លើសពីនេះតង់ដែលដាក់ឲ្យជួលនៅសាហា្វរីមានលក្ខណៈទំនើប និងប្រកបដោយផាសុខភាពខ្ពស់។

៣.កោះសាមសិប​

អ្នក​នឹង​ទទួល​បាន​នូវ​អារម្មណ៍​ដ៏​ស្រស់ស្រាយ​ប្លែក​អារម្មណ៍​បំផុត​ ​តាមរយៈការផ្លាស់ប្តូរបទពិសោធន៍ថ្មីនៅការការធ្វើដំណើរកំសាន្តរបស់អ្នក។ អ្នកនឹងបាន​ទស្សនា​ព្រៃលិចទឹក​ដ៏​កម្រ​បំផុត​នៅ​កម្ពុជា​ ​ទស្សនា​សត្វស្លាប​ប្រមាណ​ ​២១៨​ ​ប្រភេទ​ ​ពិសេស​សត្វស្លាប​ជិត​ផុតពូជ​ជាច្រើន​ប្រភេទ​ ​ដំណើរ​កម្សាន្ត​ជិះទូក​គយគន់​ព្រៃលិចទឹក​ ​និង​ ​ថ្ងៃ​រៀប​លិច​ដ៏​ស្រស់​ស្អាត​ ​ស្វែងយល់​ពី​វប្បធម៌​ជនជាតិ​ដើម​ភាគតិច​ ​ការ​នេសាទ​ត្រី​បែប​ប្រពៃណី​អ្នកស្រុក​ ​ការ​ងូតទឹក​លេងកម្សាន្ត​ជាដើម​ ​ដែលទាំងអស់នេះជាអ្វីដែលមាននៅក្នុងកោះសាមសិប។​ ​សម្រាប់ការបោះតង់វិញគឺការ​ស្នាក់នៅ​ក្នុង​តង់​ម្នាក់​ ​៥​ ​ដុល្លារ​ទាំង​ខ្មែរ​ ​និង​ ​បរទេស​។​ ​ចំណែក​អាហារ​វិញ​ ​ព្រឹក​ ​២​ ​ដុល្លារ​ ​ថ្ងៃ​ ​និង​ ​ល្ងាច​ ​៣​ ​ដុល្លារ​ ​សម្រាប់​ភ្ញៀវ​ខ្មែរ​ ​និង​ ​ព្រឹក​ ​២​ ​ដុល្លារ​ ​ថ្ងៃ​ ​និង​ ​ល្ងាច​ ​៤​ ​ដុល្លារ​សម្រាប់​ភ្ញៀវ​បរទេស​ ​។ចឹងចាំដល់ណាទៀត។

៤.ក្ដាតឡាតង់
ក្ដាតឡាតង់ មានទីតាំងឋិតនៅផ្លូវជាតិលេខ៣ ចន្លោះកំពត-កំពង់សោម ឃុំព្រែកត្នោតស្រុកទឹកឈូ ជាប់មាត់សមុទ្រស័ក្ដិសមជា ទីកន្លែងបោះជំរំ ចាក់បង្គា ស្រូបខ្យល់អាកាសបន្ធូរអារម្មណ៍ ព្រមទាំងអាចគយគន់ភ្នំបូកគោ និងកោះត្រល់ដ៏ធំល្វឹងល្វើយ ដែលមានចម្ងាយប្រមាណ២០គីឡូម៉ែត្រ ពីទីរួមខេត្តកំពត។នៅ​ពេល​យប់ អ្នក​អាច​ជួប​ជុំ​គ្នា​ជុំ​វិញ​ភ្នក់​ភ្លើង និង​បង្កើត​ភាព​សប្បាយ​រីករាយ​ជាមួយ​នឹង​បរិយាកាស​ដ៏​អស្ចារ្យ​នេះ​ផង​ដែរ។ទី​កន្លែង​នេះ​មិន​ត្រឹម​តែ​ជា​កន្លែង​ផ្ដល់​ភាព​សប្បាយ​រីករាយ​នោះ​ទេ តែ​ក៏​ជា​កន្លែង​ផ្ដល់​ចំណេះ​ដឹង​ដល់​ក្មេង​ៗ​តូច​ៗ​ដែល​ចង់​រៀន​ភាសា​អង់គ្លេស​ដោយ​ឥត​គិត​ថ្លៃ​ទៀត​ផង។

៥.ត្រាវកុដ្ឋ

កន្លែងនេះមិនមែនជាកន្លែងបោះតង់នៅតាមឆ្នេរសមុទ្រនោះទេ។ ត្រាវកុដ្ឋគឺជាកន្លែងទេសចរណ៍ធម្មជាតិ និងកែច្នៃមួយកន្លែងដែលមានទីតាំងនៅក្នុងដែនដីអង្គរខេត្តសៀមរាប។ សម្រាប់អ្នកដែរចូលចិត្តការបោះតង់របៀប Picnic និង ធម្មជាតិនៅមាត់បឹងអាចមកត្រាវកុដ្ឋបាន ដែលមានទំហំទៅ៦៥ ហិតា ហើយជាប្រភពទឹកហូរចេញពីភ្នំគូលេន នៅក្នុងខេត្តសៀមរាប។ សម្រាប់ការជួលសេវាកម្មស្នាក់នៅដោយបោះតង់នៅទីនេះអ្នកនឹងទទួលបានអាហារពេលព្រឹក ថ្ងៃត្រង់ និងអាហារពេលល្ងាចបែបBBQផងដែរ។ មិនតែប៉ុណ្ណោះអ្នកនឹងទទួលបានតង់ធំដ៏ស្រស់ស្អាតមួយជាមួយនឹងសម្ភារៈគេងគ្រប់គ្រាន់ដែលបានរៀបចំរួចជាស្រេចផងដែរ។