រដ្ឋបាលរាជធានីភ្នំពេញនាយប់ថ្ងៃ០៤ ខែវិច្ឆិកា ឆ្នាំ២០២១ បានប្រកាសជូនដំណឹងដល់បងប្អូនប្រជាពលរដ្ឋទាំងអស់ដែលនឹងត្រូវធ្វើដំណើរឆ្លងកាត់ផ្លូវ៣០ម៉ែត្រទាំងអស់ឱ្យបានជ្រាប ស្ដីពីការបញ្ចៀសចរាចរយានយន្តគ្រប់ប្រភេទជាបណ្ដោះអាសន្ន ក្នុងពិធីសម្ពោធដាក់ឱ្យប្រើប្រាស់ជាផ្លូវការអគារទីស្ដីការថ្មីនៃក្រសួងរៀបចំដែនដី នគរូបនីយកម្ម និងសំណង់។រដ្ឋបាលរាជធានីភ្នំពេញ
បញ្ជាក់ថា ការបញ្ចៀសចរាចរនេះយានយន្តគ្រប់ប្រភេននេះ នឹងចាប់ធ្វើឡើងនៅថ្ងៃទី០៨ ខែវិច្ឆិកា ឆ្នាំ២០២១ ចាប់ពីម៉ោង ០៥:០០នាទីព្រឹក តទៅ លើកំណាត់ផ្លូវ៣០ម៉ែត្រស្របប្រឡាយមេខាងជើង ចន្លោះផ្លូវលេខ១០០៣ ដល់មហាវិថីឈ្នះឈ្នះ រហូតដល់បញ្ចប់កម្មវិធី។
ហេតុនេះ សូមបងប្អូនម្ចាស់យានយន្តទាំងអស់ជ្រាបជាដំណឹង ដើម្បីបញ្ចៀសការខកដំណើរផ្សេងៗ និងបញ្ចៀសការធ្វើដំណើរឆ្លងកាត់ទីតាំង និងកាលបរិច្ឆេទខាងលើ៕
សូមអានសេចក្ដីជូនដំណឹងលម្អិត៖
