សូមរំលឹកឡើងវិញបន្តិចផងដែរថា កាលពី ថ្ងៃទី ០៣ ខែវិច្ឆិកា ឆ្នាំ ២០២១ ទើបកន្លងផុតទៅ ប៉ុន្មានថ្ងៃនេះ អ្នកប្រើប្រាស់នៅក្នុងបណ្តាញសង្គមហ្វេសប៊ុក ក៏ដូចជាមហាជនទូទៅ មានការភ្ញាក់ផ្អើលយ៉ាងខ្លាំង ក្រោយដឹងថា ក្រុមគ្រួសារ នាយ សង់ ស៊ីស ប្រកាសលក់ផ្ទះជាបន្ទាន់។
ក្នុងនោះ លោក អ៊ឹម ជីវ៉ា បានប្រាប់ខ្លះៗថា ក្រុមគ្រួសារតារាកំប្លែង សង់ ស៊ីស ស្រក់ទឹកភ្នែក ដោយសារតែជាប់បំណុលគេច្រើនពេក សុខចិត្តលើកដៃសុំអោយបងប្អូនជួយទិញផ្ទះគាត់ផង ដើម្បីបានលុយទៅសងបំណុលគេ ដែលជំពាក់មានចំនួន ជាង ១០ម៉ឺនដុលារ ដោយផ្ទះគាត់លក់ពីរល្វែងជាប់គ្នាមាន៩បន្ទប់ លក់ក្នុងតម្លៃ ២២ម៉ឺនដុលារ។
ដោយក្តីអាណិតខ្លោចចិត្តពេក ទោះបី លោកតា សង់ ស៊ីស មិនបានលើកដៃសុំជំនួយក៏ដោយ ក៏ពុកម៉ែបងប្អូនមិនតិចនាក់ទេ បាននាំគ្នា ឧបត្ថម្ភ ជាហូរហែ សរុបគឺទទូលបានរហូតដល់ទៅ 5778 $ ឯណោះ នេះបើយោងតាមរយៈការបញ្ជាក់ របស់ អ្នកនាង សុន ស្រីពេជ្រ ដែលត្រូវជាកូនស្រី លោកតា សង់ ស៊ីស កាលពីម្សិលម៉ិញនេះ។
មិនទាន់អស់ទេ ស្រាប់តែនាថ្ងៃទី ០៥ ខែវិច្ឆិកា ឆ្នាំ ២០២១ នេះ កំពូលតារាចម្រៀង លោក ព្រាប សុវត្ថិ នៅមិនសុខទេ ក្រោយដឹងលោកតា ស៊ីស កំពុងខ្វះខាតបែបនេះ ក៏បានសម្រេចចិត្តឧបត្ថម្ភ ថវិកាមួយចំនួនផងដែរ។
ក្នុងនោះ គេឃើញ ហ្វេសប៊ុកផេក “សមាគមមិត្តសិល្បៈស្ម័គ្រចិត្តជួយសង្គម” បានបញ្ជាក់ប្រាប់ឲ្យដឹងថា “កំពូលតារាចម្រៀង ព្រាប សុវត្ថិ បានឧបត្ថម្ភថវិកា ចំនួន ២លានរៀល ជូនដល់តារាកំប្លែងជើងចាស់ លោកតា សង់ ស៊ីស តាមរយៈសមាគមមិត្តសិល្បៈស្ម័គ្រចិត្តជួយសង្គម ដែលកំពង់មានជីវភាពខ្វះខាត។”។
ដើម្បីជ្រាប កាន់តែច្បាស់បន្ថែមទៀត សូមទស្សនាវីដេអូ ពីកិច្ចសម្ភាសន៍ពិសេសមួយរវាង លោក អ៊ឹម ជីវ៉ា និងក្រុមគ្រួសារ លោកតា ស៊ីស ទំាងអស់គ្នា ៖
